Agriculture Electricity : मुख्यमंत्री सौरकृषी योजनेसाठी 30 हजार कोटींची गुंतवणूक.

Agriculture Electricity : शेतकऱ्यांना शेतीसाठी दिवसा वीज मिळावी, यासाठी राज्य सरकारने मुख्यमंत्री सौरकृषी वाहिनी योजना-2 योजना (Agriculture Solar Scheme) जाहीर केली आहे. या योजनेसाठी सरकारने 28 हजार एकर जमीन भाडेतत्वावर घेण्याचा निर्णय घेतला आहे. यायोजनेची अंमलबजावणी 2025 च्या अखेरपर्यंत होणार असून सौरऊर्जा निर्मितीसाठी महाराष्ट्रात 30 हजार कोटींची गुंतवणूक केली जाईल.

हे वाचा : केडिट कार्डवर घ्या गायी, म्हशीसाठी कर्ज.

त्यातून ग्रामीण भागात हजारो रोजगार उपलब्ध होणार असल्याची माहिती महावितरण होल्डिंग कंपनीचे स्वतंत्र संचालक विश्वास पाठक यांनी दिली. या योजनेत आता शेतकऱ्यांकडून भाडेतत्वावर घेतल्या जाणाऱ्या समिनींसाठी प्रतिएकर 50 हजार रुपये व हेक्टरी 1 लाख 25 हजार रुपये भाडे दिले जाणार आहे. तसेच हा भाडेपट्टा 25 वर्षांसाठी राहणार आहे. या योजनेसाठी सौरऊर्जा प्रकल्प उभारण्यासाठी महावितरणच्या सध्याच्या वीज उपकेंद्राच्या लगत पाच किलोमीटर परिघातील जमीन शेतकऱ्यांकडून घेतली जाणार आहे.

Agriculture Electricity

👇 👇 👇

अशी आहे योजना
इथे क्लिक करून पहा

• तसेच ही जमीन सरकारी मालकीची असल्यास त्यासाठी दहा किलोमीटर परिघातील जमीनीवरही सौरऊर्जा प्रकल्प उभारता येणार आहे. सरकारी जमिनीसाठी नामपात्र एक रुपया भाडे दिले जाणार आहे, अशी माहिती पाठक यांनी दिली.
• सरकारी जमीन उपलब्ध नसल्यास शेतकऱ्यांना आवाहन केले जाणार असून शेतकऱ्यांना या योजनेत सहभागी महावितरणच्या पोर्टलवर यासाठी नोंदणी करावी लागणार असल्याचे त्यांनी सांगितले.