Kusum Solar Yojana : पीएम कुसुम सोलार योजनेअंतर्गत सौर पंप मिळवण्याची संपूर्ण माहिती.

शेतीला दिवसा पाणी देता यावं, यासाठी केंद्र शासनानं प्रधानमंत्री कुसुम सोलार योजना (Kusum Solar Yojana) सुरु केली आहे. या योजनेतून शेतकऱ्यांना 3HP , 5HP आणि 7.5HP क्षमतेचे सौर पंप दिले जातात. पात्र अर्जदार शेतकरी सर्वसाधारण प्रवर्गातील असेल तर त्याला 90 % एवढं अनुदान दिलं जातं आणि अर्जदार अनुसुचित जाती-जमाती प्रवर्गातील असेल तर त्याला 95 % अनुदान दिलं जातं.

अनुदान कसं दिलं जातं ?

3HP पंपासाठी :

• एकूण किंमत : 1,93,803 रुपये.
• सर्वसाधारण प्रवर्गातील लाभार्थ्याचा हिस्सा : 19,380 रुपये.
• SC / ST प्रवर्गातील लाभार्थ्याचा हिस्सा : 9,690 रुपये.
• अडीच एकरपर्यंत जमीन धारकास 3HP पंप

5HP पंपासाठी :

• एकूण किंमत : 2,69,746 रुपये.
• सर्वसाधारण प्रवर्गातील लाभार्थ्याचा हिस्सा : 26,975 रुपये.
• SC / ST प्रवर्गातील लाभार्थ्याचा हिस्सा : 13,488 रुपये.
• अडीच ते 5 एकरपर्यंत जमीन धारकास 5HP पंप

7.5HP पंपासाठी :

• एकूण किंमत : 3,74,402 रुपये.
• सर्वसाधारण प्रवर्गातील लाभार्थ्याचा हिस्सा : 37,440 रुपये.
• SC / ST प्रवर्गातील लाभार्थ्याचा हिस्सा : 18,720 रुपये.
• 5 एकरपेक्षा जास्त जमीन असल्यास 7.5HP पंप

अर्ज करण्यासाठी येथे क्लिक करा

Kusum Solar Yojana

पात्रता (Kusum Solar Yojana)

• पारंपरिक वीज कनेक्शन उपलब्ध नसणारे शेतकरी.
• शेततळे, विहीर, बोअरवेल, नदी/ नाले याच्या शेजारील शाश्वत पाण्याचा स्रोत उपलब्ध असणारे शेतकरी.
• अटल सौर कृषी पंप योजना आणि मुख्यमंत्री सौर कृषी पंप अंतर्गत लाभ न मिळालेले शेतकरी.

कागदपत्रे (Kusum Yojana Documents)

• सातबारा उतारा, त्यावर विहिरीची किंवा बोअरची नोंद आवश्यक.
• आधार कार्ड.
• जातीचा दाखला.
• बँक पासबुक फोटो.
• पासपोर्ट आकाराचा फोटो.
• सामायिक विहिरी असेल तर 200 रुपयांच्या बाँडवर इतर भोगवटादारांचं ना हरकत प्रमाणपत्र.

अर्ज करण्यासाठी येथे क्लिक करा

कोणत्या जिल्ह्यासाठी कोटा उपलब्ध ?

कोटा उपलब्ध असलेले हे जिल्हे : अकोला, अमरावती, भंडारा, चंद्रपूर, गडचिरोली, गोंदिया, कोल्हापूर, लातूर, नागपूर, पालघर, पुणे, रायगड, रत्नागिरी, सांगली, सातारा, सिंधुदुर्ग, ठाणे, वर्धा, वाशिम, यवतमाळ.

कोटा उपलब्ध नसलेले जिल्हे : अहमदनगर, औरंगाबाद, बुलढाणा, बीड, धुळे, हिंगोली, जळगाव, जालना, मुंबई, मुंबई उपनगर,नांदेड, नंदूरबार, नाशिक, उस्मानाबाद, परभणी, सोलापूर.